#بوسطة_أسماء
ساعات كتير الواحد بيحس نفسه لوحده..و ساعات تانية بيحتاج يكون لوحده مع حد ميعرفهوش.. حد يتكلم معاه.. بكل اللى جواه.. من غير ما يفكر و يشيل هم الأحكام.. ولا “هيقول عليا إيه؟؟!!!”
حد يحس بيه.. عشان هو زيه “انسان”.. عارف يعنى ايه يحس بحد.. عارف يعنى ايه اى حاجة شاغلة بنى آدم.. شاغله تفكيره.. و مكدرة صفوه… تبقى حاجة اكيد مش هينة… عالأقل على قلب صاحبها.. و عشان كدة… #بوسطة_أسماء ديه هدفها تقول “انا هنا…معاك.. سمعاك..حاسة بيك.. حكاويك شبه بتاعتى.. اللى شبه .. حكاوى حد عزيز ليك او ليا”…
عشان اتربيت على #بريد_الجمعة.. و عقلى كان بيتفتح مع حكاية ورا حكاية من حكايات كلها واقعية.. حكايات مليانة مشاعر.. بحلوها و مرها.. فيها شُفت نفسى مرة.. و اللى حوليا مرات.. أبطال فى قصص مختلفة.. سمعت من الناس من كل قلبهم.. اتعلمت أفهمهم.. و أتقبلهم.. اتعلمت من ردورد عبد الوهاب مطاوع – رحمة الله عليه-.. علمنى كثيرا و فتح ذهنى على أحوال عديدة.. نمر بها جميعاً.. لمست معه كيف اننا #بشر.
دلوقتى.. انا عايزة نكمل #بوسطة_أسماء من حكاويكم.. عايزاكم انتم الأبطال.. و عايزين نلاقى حلول.. لمشاكلنا.. و نفكر بطرق تساعدنا..
طيب يعنى ايه المطلوب…
– فى حفظ تام للخصوصية.. هتبعت حكايتك.. هتقول ايه فيها اللى مضايقك.. و نشوف لها حل..
