شعور الوحدة، شعور مؤلم أوى، خاصة، انه مش معناه انه فى نقص فى عدد الناس اللى حواليكى، لكن هو مؤشر انه العلاقات فى حياتك، جودتها ضعيفة جداً، من الأخر، علاقات غير مُشبعة و مش مطمناكى.

تطمنى إزاى، و انتى معندكيش اللى تشاركى معاه.. أفراحك و تشوفى فرحتك فى عينيه، و لا حد تجرى عليه فى ضعفك، فتلاقى الطبطبة و التفهم و السند، بتعرفى تتكلمى و انتى مش بتفكرى فى الأحكام اللى ممكن تُصدر عليكى بتلاقى اللى يتفهمك، أو على الأقل بيحاول يدعمك ما استطاع؟؟

حاسة إنك كمالة عدد؟ موجودة و خلاص، فمثلاً، لو كنتى متضايقة، لا حد هيلاحظ و لا هيسألك مالك؟

حاسة ان مفيش حد هيفتقدك لو إنتى مش موجودة، و مش حاسة ان فيه أثر لوجودك.

وقت كتير بتفكرى انتى ليه مش لايقة على الناس اللى حواليكى، و بتسألى نفسك مش لايقة ليه؟؟ و أقدر أعمل إيه عشان اليق عليهم.

عندك إحساس بالرفض و بترجمى كون ان انتى مش مُقربة لناس حواليكى، انهم رفضينك.

عندك إحساس إنك عايشة عالهامش؟ كإنك دورك فى الحياة كومبارس، لو موجودة، فوجودك إنتى بالذات مش فارق، زيك زى غيرك.. كمالة عدد.

 1 – ماليش حد بجد، من الناس الكتيرة اللى حواليا.

2 – حاسة بالغربة، و انك مع ناس مش شبهك.

3 – فقدتى .. حد بالنسبة لك.. مش أى حد.. حد كنتى بنستغنى بيه عن أى حد؟

4 – حاسة انك مش هتقدرى تواجهى الحياة لوحدك.. عشان متعودتيش فمش هتعرفى؟؟

5 – going through a relationship break-up

6 – ماليش حد بجد، من الناس الكتيرة اللى حواليا.( حد يفرح معايا و ليا، يزعل عشانى و يكون داعم ليا)

7 – حاسة بالغربة في مكان، و إنك مع ناس مش شبهك. حتى لو بتشاركيهم نشاطاطات،  إحساسك بالاختلاف عنهم وعن جوهم بيخليك وحيدة.
8 – مش قادرة تتكلمى عن مشاعرك، مش لاقية حد يفرح أو يسمع ألمك فتبقى وحيدة.

9 – الناس اللى حواليكى مش محسساينك انهم شايفنِك، محسسينيك دايماً انك “أى حد و السلام..” مش حاسين اذا كنتى مبسوطة.. و لا متضايقة.. لو شافوكى حاطة ايدك على خدك.. محدش بيقوللك “ما لك.. فى ايه؟؟ قاعدة كدة ليه؟؟ بتفكرى فى ايه وللا شايلة هم ايه؟”

10 – سينجل بيرنت 

11 – تبنيتى فكرة خلينى لوحدى أحسن، بدل ما إحس إنى مرفوضة من الناس و انا بحاول أقربلهم